Truna Kutuk

kaya biasané lurr..! 😂

Iki ming crita ndoboss..! , dadi rasah da baper trus diperdebatkan..! percumah....! ,  tiwas ngentek entekké ènèrgi 😂.

ming ngecéh ecéh pikiran, wong ya ora mutu blas ! 🙁

hh sing crita wong kurang gawean...! sing gelem moco yo ming wong selow.. 😂😂😂

.. WÉS CUKUP .. STOP seméné waé lé moco..!  aja mbok teruské ndak GETUN..!  hh 😢😢

critané ngéné .. 

Minggu isuk.🌤️bubar adus kramas, Njur lenggahan nèng teras ngarep omah, karo ngadep wedang kopi panas ☕,  nyamikane gedhang goreng ples tela godog , jiaan isih kemebul,   karo cres... bul bul..ngudud rokok kretek jian nyamleng tenan..! 😊

Sikile  jegang,  lungguh korsi goyang,  jungkatan mlitit nganggo kaca mata,  karo maos koran.. wis.. kurang bahagia piye nek ngunukui.. ..jiaaaaan  ketok nek wong sugeeh.. 

 Hayo ngéné iki sing jenengé wong mulya bin kepama...!  hayo piyé menèh ,  karang jenengé wé wong wis turah..! 😂😂 wkwkkk..

Nanging iki  ora ber maksud umuk lho lurr..! njur mbok kira aku ki somboong..!. 😡😡

woo...! SAMA SEKALI TIDAK ...!. 

kayangéné iki pancen wis dadi resikoné wong sugeh. Sakjane males lho  lur.. aku dadi wong sugih ki..!  ha piye..! opo opo wis sarwo cemepak..je.. hhh

 Ora koyo wong kere kere  kae..!  ming entuk bayar sedina kurang seka limang juta we direwangi ndungsang njempalik.. hhhhh.. kasihan

Ning wektu kui kebahagiaanku ter usik 😡

Lha piyé lagi penak penak nyruput kopi krungu swarane tangga.. 🙁

  " WAAAH JIAAN ...! KOYO WONG MULYO TENAN KOWÉ KUNG ..!"  

"ISUK ISUK WIS NGOPI ..! ,  NGUDUD..! , MOCO KORAN ..! hh.. "  omonge Joan tanggaku, hhhh... 

😮😮 HORA TAK GAGAS ...! ,  ming cangkemme  wong serik 🙁,  iri,  dengki,  sreii.. ora seneng nek ndelok wong bahagia..! 🙁 

Hayo  biasa to lur ...! karang ya jenengé we tangga...! mesti sifate macem macem..!  ana wong lagi seneng, dicacat...! ,  ana wong susah dirasani..!, wes pokok e ora ono beneré😡 

hh..hiees ra tak pikir..!  😡rasah ngrungoké cangkemé tangga .. 🙁 marai darah tinggi. 

Tak tinggal nyruput kopi ,  karo nyuwil tela sing isih anget tros ngebetké koran njuk maca meneh.. jeneh og senengane ngurusi uwong..!  hambok ngurusi awakmu dewe..! 😡 batinku

  " WOOHH ... MBAGUSIIII..! 😡😡 AKU MING DI CUWEK KE ..!,DI PREKKE...! hhh  apik kui kuung..!" 

"KOWE KOK CREWEEET WAE TO JOOOO..? DUWE MASALAH KARO AKU PO? " takonku sopan

Nek aku sih  ora masalah,  yo ming aku pesen..! sesukmeneh... nek ngopi karo maca koran ki mbok,  NENG OMAHMU DEWE..!" 😡😡 omongé joan nggonduk mergo Kopi ro nyamikané tak embat.. 😂

" Kowe ki kok pelit banget to ..? dadi uwong mbok ojo  banget banget  le pelit  Joo...!, mengko ndak rejekimu seret " omongku.

" LHA KUI WEDANG KOPIKU JÉ..!, SING AREP LEYEH  LEYEH NGOPI KARO MACA KORAN KI AKU  É.. .!  😡😡..hh.. MING LAGI DITINGGAL NGUYUH SEDELOK, WES DI MBAATT..! " protese Joan arogan banget 😡😡

" WÉS RASAH CREWET ..!  KONO GAWÉ MENÈH ...! , MING NGONO WE RIBUT,  KARO NEK ONO ROTI TURAHAN LEBARAN WINGI TOKKÉ SISAN ..! TAK EWANGI NGENTEKKE ..! " omongku sopan . 

"  WESS . JIAAN . . hhh..NGIMPI OPOOO AKU MAU BENGI i...! 😢 isuk isuk wes ketamon KEREEE..! " omongé Joan karo mlebu omah ngomel ngomel dewe sajake gawé kopi menèh 

 "  PREEEEETTTTT ..! " jawabku santun.. 😁 😂😂 

Pancen aku karo joan ki angger ketemu mesti padu.. karang jenenge we kanca..! 😂😂

 KANCA PADU ..! 😂

 

"  Isuk isuk ndingaren kowé kuung ? wes klitih..! pancèn sengaja arep ana perlu ro aku apa ming mampir dolan? " takone Jojo.. 

" Aku ki..jané arep nenggoné si P,  wong wingi wés kangsen arep mancing wader neng slokan Mataram...!  jare né gasik arep ngampiri aku..! ning nganti meh jam 8 kok rung teko..! nah.. arep tak susul..!. 

Bareng liwat ngarep omahmu Jegagik,  aku weruh ono gedhang goreng karo cangkir seng isih kemebul,  rokok sebungkus komplit sak korekké,  ning Kok ora ono menungsane..! 🤔🤔 kui lak jenengé menyia nyiakan makanan to kui..!, nek boso Arab  e "mubazirun" .. yo pora ?,  dosa lho nek ngunu kui..!"

" lha kowé mesti orangreti...!😡 wong kowe cah keseet..! ratau mangkat pengajian..!" hh... 😢😢

"LAMBENE .....! wong sing ratau menyang pengajian we kowe oq..! "😥 protese Jojo

"  Angger diampiri pengajian, alesane werna werna.. endi sing tangane gatel lah , ngantuk lah, lagi kon jaga omahe dewe lah..! "

" Lha yo maklum aku kan cah sibuk..! "

" sibuk og mbendino neng omah..! "

" lhayo sibuk ngalamun..! "

" karepmu lah..! "😢😢

" lha gandéng  aku ki wong lurus,  wong temen, wong jujur,  tor yo seneng tetulung...! , rajin menabung wis kurang piye kui..! mangkané aku njur mampir..! " omongku karo ngemplok gedhang goreng.. 😂😂

" WOOO ... ngono to..!  dadi kowé ki berarti nylametke aku yo...! ben ora dosa ! " 

aku : hhmmmm..! 

Jojo: berarti aku sesok     mlebu suargo yo..! 

aku  : hh. mmm..

Jojo : sesok nèng suargo yo petuk kowé yo kuung..? 

aku   : waiyo jelas..!  awak déwé sesuké bakal kumpul nèng swarga ..! wong awakdewé kegolong wong apik oq..! 

Jojo  : ning  sesok nèng suwarga oleh pindah KTP ora ? wegah aku nek nèng kana isih dadi tanggamu..! .. ora tenang uripku..! 

aku  :????????????!!!!!! 🤔🤔🤔 maksudmu?? 

Jojo : LHA NEK NENG SWARGA AKU MENGKO DI NEI WIDODARI ,  MING TAK TINGGAL NGUYUH DILIT MESTI WES MBOK EMBAAT..! 😡😡 CILOKO AKU..!  MOSOK AKU ENTUK WIDODARI BEKASMU..! 

"WIIH.. soryyy.. widodarimu bosik bosik..!" 😂😂

Truna Kutuk

 ORA suwe trus ngobrol ngalor ngidul, cekikak cekikik,  dumadakan si Joan ketekan seduluré.. 

jenenge Wahyu.. 

Wahyu kui wong Solo ,  ning gandeng kerjané neng Jogja banjur tuku omah neng daerah Sleman... 

Ngobrol ngobrol akhire si Wahyu njaluk tulung karo si Joan.. karepe kon nggolèkké wong pinter, mergo jaré omahe ono penunggune.. 

Bojo karo anake sing isih balita jare sering di weruhi.. 

" Diweruhi apa? " takonku melu kepo

"  Nek bojoku jare sore sore diweruhi wujud ireng ireng gede nganti sundul ternit neng pawon.. nek anakku jare tau di weruhi pocongan..! " Omonge Wahyu.

" Nek iki teb kowe arep ngejak gelut,  cah balita kok kenal pocongan ki  nalare piye!" 😡

" Serius iki,  duwe kenalan opo informasi paranormal,opo wong pinter sing iso ngilangi lelembut ra om? " takone Wahyu serius

"  Ora je..!  lha saiki anak bojomu nengendi? " takonku

"  balik neng Solo omm..! bojoku keweden.. wegah ngenggoni..!" omonge Wahyu

" critamu ki tenan ora je yuu..! " takone Joan 

"  wee lah..!  tenan mas..! lha ngopo aku ndadak ngapusi..! " omongé Wahyu serius.

" mulane aku njaluk tulung karo njenengan  mbok menowo duwe kenalan wong pinter..! " 

" ora..!  aku tak takon serius ki..!  masalahé kok rodo menarik...!  bojomu pas di weruhi kui.. ujudte opo..? " takonku nlesih melu ngintrogasi... 

"  wah..!  ora cetho om..! nek jarené gedhe ireng..! " omonge Wahyu.. hh.. 

"  KAKU ORA ? 🤔  " takonku serius.. 

"  wah aku ra ngerti..? kaku opo lemes ora mudeng wong Sing di weruhi bojoku.!  " 🤔 omonge Wahyu.. 

" ning kui jelas dudu manuk mu to yuu..! " takonku mastekké

"  halaah...! di  jak rembukan serius malah dleweran tekan kono..kono.. hh... genah diomongi wujud gedhe duwur kebak wulu oq.. malah ngomongke manuk.. hh.. hies jiaan 😡! " omongé Joan.. 

" maksudku kui  manuk tenan jooo...!  pikiranmu mesti saru..! " 😢😢

" manuk tenan kok gedene sak mono.. "omonge joan

" mbuh lah..!  mumet aku omong ro kowé ki joo..! aku ngerti arah pembicaraanmu ming arep nggon saru to..! " 

" raaak...! "😡😡 omonge joan 

"  Jan jane aku duwe yu..!  konco wong pinter..!. 

ming sayangé rodo angèl nek di jaluki tulung..! hh.. 

jalukane sok aneh aneh..! nek le iso,  tak jamin mesti iso..!  ming, le moto duwiten..kui lho cahe..! hhhh😥😥" omongku serius.. 

" Ora popo om..!, nek pancen iso tenan..! penjaluke opo wae tak turuti anggere masuk akal.. lho..! " omonge Wahyu.. 

whaa.. iki rodo COCOK batinku.. 😂😂

" Nek biasane ki dèwèké ,  njaluk duwit,  panjer ndisik  300 ewu..!, biasa to...! dinggo tuku  ubo rampé,  bongso ayam ingkung lan sak panunggalane..! " omongku njelasaké 

"  ORA MASALAH om..! ojomeneh kok ming telungatus ewu.. hambok SAKJUTA tak bayar langsung ! " omonge Wahyu karo ngetokke dompete seng kandel.. 😱😱😱

"  WALAAH ..! IYOOO ...! MALAH,     LALI AKU ,🙁🙁 ...DUIT PUNJERE KI SAK JUTA BIASANÉ ...!, hhh.. yUNTUNG MBOK ÉLING NE hhh.. karang yo wes tuwo..! akeh pikiran,  dadi yo sok kadang lali... hhh.. kok yo pas ngono lho..!  jiaan gumuun aku..!, wez kene mengko tak wenehké wongé ben langsung di garap..! " omongku karo nampani lembaran abang abang seko Wahyu.. 😂😂

"  Jane sopo to kung..? kok dadi penasaran aku! "takoneé Joan

"  wés to..! nek pancèn iki takdiré seko Gusti mengko bakal menehi pitulungan ,  mesti mengko lak njedul wongé ..! " 😁 omongku

TENAN wae lur..!  lagi waé cangkemku mingkem,  wés krungu suworo helikopter sekaten liwat..!. 

edek..! edek edek edek..! 

Truna Kutuk

Mbasan weruh aku cahe tros..mbengok..! 

"  WHOO...!  TIKUS  KII...! DI ENTENI NENGOMAHE MALAH TINGAL MINGGAT,  JARE KON NGAMPIRI  MALAH, JAGONGAN..😡 HH.. SIDO MANCING ORA JE..! LENGENTENI NGANTI MRONGOSS..!   

 " WES TOO....!  Kowé Rasah Kakehan  CREWET....!  DASARE WES MRONGOS GAWAN BAYI  hhh.. PATENI SEK MOTORE KUI.. MBREBEKI KUPING..!"  😤😤 omongku dadi melu banter mergo gebrebekken sworo motore si P😡😡

"Rene pe..!  ono masalah penting ki..! " omongku 

si P banjur nyetandarké motor mbaheéFU,  tros melu jagongan. 

"  AYO kuung..!  selak awan..! panas mengko.. !,  wes tak gawekke umpan juos je..!  " omonge si P

"  Opo ..?  TE. A. satu po..? (taek uwong alias kopet)  rasudi aku nek nganggo kui.. 😡! " omongku mergo pengalaman tau di jak mancing ro si P umpane TA satu.. hh.. 

"  Dudu yoo..!" omonge si P

"  Kosek to..!  sabar iki ono perkara sing luwih penting timbang mancing..!, hh.. kenalke iki mas Wahyu.. sedulure kang Joan ..! " omongku. 

Sak banjure tak critakke karepe si Wahyu.. Si P tak akokke dadi Wong pinter..😂 sing bakal nulungi ngilangi demit nèng omahé Wahyu.. 

Awalé si P kaget.. sajak bingung.. 😁.. ning gandeng tak idak sikilé ,  sajak é si P langsung tanggab

"  Oww... ngoten to..!  ning kulo tak rembukan kaleh si Kuung sedilit..! " omonge si P  karo si Wahyu

"  Nggih monggo..! "omonge wahyu..

 Kang Joan .. mung meneng wae sajake syok,  lagi ngerti nek si P jebul wong ampuhan 😀.

 

  Si P nggeret tanganku

 metu seko omah,  ndak do krungu karepe.. 😁

"  KOWE KI EDYAN OQ KUNG ..!  😡😡seng berperan dadi dukun kok malah aku ki piye..! " protese si P.  

"  wes.. to..!,  wangun kowe nek dadi wong pinter ki.. rupamu ki jian mendukung banget wes meyakinkan nek dadi dukun 😂😂!  KETOK CAH CERDAS ngono lho..! " omongku

"  lha mengko nek aku di kerah demit piye? " omonge si P

"  kan ono aku..!  koyo kowe rangerti.. hh..wes pokoke kowe kari manut..! ekting dadi wong ampuh.. aku wes tompo panjer je..! " omongku

"  piro? " takone si P kepo 😊

"  seng jenenge panjer ki yo ming sitik..! 😡 iki mau aku di nei satus seket ewu.. ki nyoh,  kowe satus..! aku tak seng seket..! akeh kowe wong peranmu penting,  adil to..! " omongku.. wkwkkk 

"  WAH siip..!  hayo ngono kui seng Adil ki.. dadi ono semangate nek ono ngene iki..! " jare si P karo nampani duit atusan abang selembar 😂😂

"  ning yo kui aku mengko jajakké mie ayam lhoo..! mosok aku ming oleh seket isih mbayari mie ayam..! " omongku 🙁

"  siaaap..! turah nek ming dinggo  tuku mie ayam we..!  " omongé si P sajak ngleling.. 

WONG loro tros mlebu meneh.. Si P mulai ekting, omonge  si P njuk sajak di gawe gawe. 😂 jian kondang pokoke.. 

"  Em.. niki ngeten mas Wahyu..!  ee.. ee.. gandeng séng njaluk tulung njenengan,  kulo saguhi..! etung etung nambah sedulur..!, nek wong liyo pon kulo prekke..! kulo tolak ! " 

" enggih mbah matur nuwun..! " omonge  wahyu

batin atiku 😁😁...hhh sopo...?  seng gelem dadi dulormu peee..! 😁😁

" sakniki kulo njaluk alamat griyané, mengkéh kulo tilik ané..!" omonge si P digawe gawe malah koyo ketoprak..batinku 😁😁

" injih matur nuwun mbah pee..!, niki alamat omah kulo.. nek saget segera di rampungi nggih mbah..pee..!" omonge Wahyu karo menehi denah omahe. 

" owwh... siap..! , pokok é kulo damel sak cepet cepeté ben ndang rampung,  model kilat niki pokoke..! ming pesen kulo mangkeh nek pon rampung ampun di omong omongné nek kulo iso ngoten ngoten niku.. nggih..! " 

"  siap mbah..!  kapan le  ajeng mresani griyo kulo..?"  

  " SESOK SORÉ ..!,  siap kulo tandangane..!  "  omonge si, p nggleling

" wah sesok sore aku ono acara je pe..! " omongku 😥

"  BERARTI SESUKÉ melih..! sesok niki dinone MINGGU to..!  berarti SELASA NÉ ..pas.. dino seng apik niku,  pancèn kulo sengojo pilihke dino sing apik...! ngih.. fik niki..! SELASA...! ampun lali..! " omonge si P

Truna Kutuk

si Wahyu ming matuk mantuk

"  waa.. seloso aku ono acara je pe..! nek mengko sore wae piye..! " omongku  😊

"  ggrrrrr.... hhh... ngih berarti MENGKEH SORÉ MAWON ..! 😡" omonge si P rodo nggonduk.. 

 " jadi nggih mengkeh sore.. kulo tunggu..!teng lokasi "  omonge Wahyu

  "siaap..! saniki kulo tak mancing ndisik...! ,  ora kepenak.. wes di tunggu iwake.. pon do teng clangup njaluk di pancingi..!"  omonge si P,  njuk pamit budal kat mancing.. 😁

 " Ojo lali mampir tuku mie Ayam ben le mancing syahdu.. 😂😂😂..!"  omongku

Bubar mancing bablas nggoleki alamat omahe Wahyu.  orasah do kepo hasile mancing lho lur..!  hh.. 😢😢

takon takon akhire ketemu.. hh.. 

" loh.. gene omah anyar kung..!, mosok omah anyar wes ono penunggune..? "🤔🤔omonge si P. 

Aku dewe yo gumun,  mergane  durung tau nemoni demit manggon neng omah anyar model kaplingan.. hh.. kejobo omahe suwong nganti suwi..

ada apa ini..??? greg greng🎵🎵🎶greng.. 🤔🤔

Kasus di bukaa...? byaak..! 

coba tak ubengi omahe.. tak rasakke pancen ono energi ghoib,  nanging aku ora iso weruh wujudte... hh..nek seko energine jelas banget bongso kajiman..ning dudu prewaangan umure mesti wes atusan taun.. 

opo danyangé déso kéné po yo?,  🤔

" piye kuung?  ono penungguné tenan ra? " takone si P alon sajak ngerti glagatku. 

"  Wah pee..!  kok ketoke radha  mbodokalani iki..! ,  seng nunggu jin tuwek je pe..! " omongku

"  Whaa..! tenanto...!  iso modyar di kerah demit aku...! mbok ra meden medeni kowe kuuung.. hh..! " 😢😢 omonge si P memelas

"  ora pee..!  iki serius ! ming aku durung weruh ujudte.. ..! ketoke sangar iki pee..! " omongku 

" whaa...!  hiyo poraaa...! kojor iki..!  nek digagalke wae piye kung?  iso mati di kerah demit aku ! " omonge si P

 "wih.. hayo ra iso..!  wes tompo panjer kok njuk nggagalke.. iso keno pasal kowe..! 😂 hayo resiko.. mu..! ning tenang durung tau aku krungu menungso mati di kerah demit..! seumpomo kowé mengko mati, berarti kowé seng pertama..! "  omongku

" lambenee...!  giyah aku pokok é...! karo meneh  omahé kancingan awak déwé ora iso mlebu,  dadi yo perjanjian gagal demi hukum no kuung..!   panjeré dianggep hangus..! " omonge si P sok ngerti hukum 😂😂

"  opooooo..!  kui gagal demi hukum.. wkwkk.. wong wés nampani duwite ki yo kudu tanggung jawab..! nek rasido kowe kudu mbalèkké 100 kali lipat.. piye jal..? padal duwitmu mau wes kelong nggo jajan mie ayam.. wkwkkk.. wes ngéné wae..! mengko seng urusan karo demit ki aku..,! kowe gari ekting koyo nggon tipi tipi kae lho...! neng rasah lebay"

"lebay maksudte piye? " takone si P

"  seng biasa waé rasah reko reko kerasukan..! njuk berlagak dadi macan,  ulo, boyo,  munyuk,  celeng..! kui wes biasa nèng tipi wes sering !.. hh.. cobo mengko kowe ekting nek kerasukan dadio TLETONG ( tai sapi) mesti serem..! " omongku 😁😁

"  Whaaaa... hanjuk piye kui..? haniyat.. sulit.! 😡

" gampang kui.. kowé gari anteng tros lambemu mangap mangap.. 😂..! " omongku

"  gah aku..!  nek kon dadi tletong.. malah angel kui.. wes pokoke aku manut waton ojo dadi tletong... hh..padakké telék jingan ..! " 

Truna Kutuk

😁.. Wes.. manut tenan kowe..! lha mengko ngéné pe..! nek si Wahyu menei duwet meneh seng nampani kudu  aku..! kowe sak pawehku..!  kuwi wé ter gantung ekting mu..!😁kowe raoleh protes..!  😂😂 piye? " omongku

 "  diill..!  dadih..! nek ming ekting we..! " jare si P manteb.. 😂😂

ora suwe si Wahyu teko,  basa basi sedilit tros mbukak lawang omah..

 si P wes mulai ekting.. wkwkkkkk.sajake dadi wong ampuhan,  tangane di atung atungke.. mripaté merem lambené umak umik moco opo..mbuh ra cetho😂. 

 teos mlaku,  di deloki,  ruangan siji siji di trawang sajake..koyo dukun profesional 😂😂 GOST BUSTER wjwkkkk.. ruang tamu.. kamar kamar,  ruang tengah.. basan tekan dapur.

 JEGAGIK.! 😱😱, aku weruh wewujudtan nggilani.. nèng pojok dapur.. jenis jin banyu iki..??? hh.. gedhé ning cendik rupane semu ijo.. ndase  koyo iwak kotes.. 😂 cangkem e jembar motoné cilik abing.. .nek biasane lur demit model ngene iki soboné..nèng kali kali gedhé ,  waduk, bendungan kolam kolam.. 🤔 

KENOPO IKI ISO terdampar.. tekan kene..??

Tak terangke ndisik prihal mahluk astral, 

   

 JIN / JAN / JIM .. kui yo mahluké gusti Allah.. wujudté macem macem,  jenisé yo werno werno,  ning kabeh, mau nek karo menungsa drajat é isih duwur menungso.. mergo menungso duweni badan wadak, ( rogo) utowo wujud.. mulo diarani mahluké Gusti sing paling sempurna.  

NAH jin kui yo podo karo menungso, duweni kwajiban manembah marang Gusti Allah dhat kang moho Agung. 

JIN kui, macem macem ono sing pinter, ono sing bodho,  ono sing ngibadahé apik,  ning ugo ono sing bersekutu karo iblis,  gawéné ngganggu menungso ben tumindak ala. 

lha jin kui yo ono sing sifaté  koyo kewan....!  , nek kowe wes tau mbebedag.. ( berburu)  celeng opo bajing,  misale..mesti tau ngalami

 rombongan céléng wes kepojok.. terkadang tros ilang plas.. lha kui mergo ono seng momong.. jenise yo bongso kajiman!, ujudte yo koyo celeng. lha celeng jin iki seng sok diburu karo wong pinter,  mergo ono bagian kulite sing duweni doyo sihir, sering disebut kalung babi,utowo rante babi.  nek ujaré sopo kanggonan kalung babi awake dadi kebal...tan tedas tapak palune pande,  geriteng grendo,  landeping kikir, yak no lho kui lur...!. 

ono menèh .. nek neng kali gede.. terkadang diweruhi iwak bentuké aneh ning ditotké mahewu hewu.. iwak.. jenise macem macem..sak kali kebak iwak teng kecopak mergo polahe iwak,  ning terkadang blas ra weruh glibete.. conto waé kali progo.. hambok di pancingi, dijolo, disetrum,  diracun meh mbendino iwaké ra entek entek..mergo ono seng njogo..! 

mulo ora mokal neng alas,  gunung,  laut,  kali gedhe  okeh jin seng mapan ono kono.. mbok menowo diwenehi tugas karo Gusti kanggo njogo kelestarian lan  keseimbangan alam seko polahe menungso. 

 mangkaneé yen do neng kali gedhe, munggah gunung mlebu alas do  dlajikan,  ora uluk salam,  cangkemé dleweran,  iseng ngrusak..tumindak asusila,  munggah gunung karo pacaré , misah seko rombongan golek nggon njuk do kenthu..! neng alam terbuka gayané golek sensasi alam liyar... 😂😂.. kono seng nglakokke penak wae,  lha seng nyawang kui.... sebah..! 😡 ojo meneh bongso jin,  umpomo nengarepku we mesti tak dugang cemplungké jurang oq, seng lanang.. 😂😂😂hhh.. 

akhire ming di blusuk blusukké.. digawé bingung njuk tersesat ilang.. . hhh ketemu wes do modyar.. 😢😢

Nah jin sik neng omahé Wahyu ki yo jenise jin kewan.. hh.. mencereng namatke Si P.. sajake keganggu... ngerti ngerti mencolot.. tangane nyakar awake si P,  "AWAS... PEE..!"  whuut.. si P langsung njungkel sak naliko.. Kaget..!, ming ntros lungguh ndeprok neng jubin,  hhh.. untung ra saemaput..!  gègèr saknaliko..

ceblengé mbekos sak kayangé.. kupingé njeprak..lampu dapur koyo kongslet.. byar pet urupe,  tros ngamuk.. piring,  sendok, gelas disampluki bubar..mawut..! teng krompyang swarané. Wahyu seng weruh barang barang do mencolot déwé déwé ..laci laci dapur do mbukak.. bumbon bumbon diabur abur.. langsung ndeprok ngoplok..! karo bola bali moco opo mbuh ra ceto mergo saking wedine.. 

JAN jane ngopo je kok ngamuk ki..??🤔  biasané demit model ngene iki wedi uwong..lho lur.. ! . hhh.. mesti ono sesuatu kih.. batinku.  alon alon tak watek mantaramku seng kanggo nyekel bongso lelembut.. koyo biasane lur.. epek epekku murub  werno biru.. alon alon tak cedaki.. sajake deweke ngerti.. mbalik langsung nyerang awakku.. hh.. 😡😡.. gandeng aku wes siap tak disiki. .. "plook..!" ... glangsarr...!  demit semono gedhene njungkel.. . sajaké kaget.. ngerti aku iso weruh.. hh..tros mlayu nunjang palang.. saking gilo né.. njuk mencolot mlebu neng buangan banyu asah asahan..wastafel.. braak..!. 

hh.. jenengé wae jin.. awake semono gedhéné iso mlebu bolongan cilik,  pralon 3/4 "😂,  

Truna Kutuk

lampu tros murub normal byak..padang mergo wektu kui wes meh manjing isyak. 

"  opo iki mau.. kung? " takone si P sengal sengal karo milang miling pundake seng mbaret abang.. 

"  lha yo kowé to sing ngerti...! , mau mbok tamani kasektenmu demite njempling njempling tros minggat..! " omongku ben si P ora ketok kisinan... 😂

"  wah nek iki mau jiaan demite ngamuk tenan..! prabotanku di abur abur.. pantesan bojoku gilapen..! " wahyu melu omong. 

"Wah njur seng marai demite ngamuk ki opo yo? " takone Wahyu karo si P seng isih ngewel.. 😂

"  pe..!  kui lho di takoni.. kok demite ngamuk ki ngopo? " omongku.. 

"  Hayo.. kui..!  seng aku dewe ra ngerti..!  " omonge si P karo lambene isih ndemimil mergo kaget 😁

"  piye to kowe ki..! dukun kok ngoplok..! " 

"  Crewet  oq kowe koong!  iki lagi arep tak silikidi..! " omonge si P 

"  wkwkkk... wes.. kui pikir keri, saiki diberesi ndisik barang barangmu seng teng slebar..! tros magriban ndisik ndak selak kentekan wektu.  

bubar sholat tros do jagongan neng ruang tamu..

"Pripun mbah pee..?  pun aman tenan sakniki?, demite pon lungo tenan..? " takone wahyu,  si P ming kilang kilong koyo munyuk ketulup 😀

"  sementara iki, aman! " jare si P ming waton njawab karo nglirak nglirik aku wkwkkk 😁

" waaa...!  ampun sementara mas pee..!  kulo nyuwun  nganti tuntas..!  ampun onten meleh kedadosan kados  wau..! " omonge Wahyu ndedes.."  lha kulo niki tumbas omah niki le nabung jian suwe je.. tak rewangi ngampet mburu seneng kok ra iso dinggoni.. hhh..! " 😢😢

suwe suwe mesakke aku ro si P.. mergo ketok bingung.. 😁😁

"  wes..ngene wae mas Wahyu,  mbah pee..!  ketoke kekeselen kentekan energi.. 😂

tak gentenane mbah pe.. 😁😁 

saiki aku tak takon.. banyu asah asahan ki playune nengendi? " 

 "  waduh..! mestine neng savety tang ngarep omah kui..!  neng kono ono dua lubang,  siji dinggo tinja,  siji dinggo buangan asah asahan karo banyu buangan kolah..! " omonge wahyu karo nduduhi.. nggon savety tang ( jumbleng). 

tak rasakke pancen isih ono energy ghoib ndelik neng ngisor.. hhh.. jebul ceblenge ndelik neng jumbleng to.. hh.. batinku.. 

" Lha... iki opo demite ndelik neng jumbleng mu,  coba tak tarike seko nduwur.. pee..!  tulung jikukke pirantiku neng tas pancing..! " omongku.. si P langsung tanggab gage njikuk tasbih seko kayu,  karo kantong karumbo,  seng biasa taknggo mindah bongso lelembut.. 😁

kantong karumbo ki ujudte ming seko batok bolu (bolong telu) ,  batok klopo tuwo wutuh tanpo bentet.. 

mantram tak wirid taknggo nyedot ghoib, njileh energi bumi, banyu,  geni kulawan angin.. manteb nyuwon pitulungane Gusti seng nguasani jagad sak isine..ora suwe delll...! kemruwek swarane.. jin jin seng neng njero jumbleng.. kesedot munggah mlebu neng kantong karumbo.. jin seng maune gedhe duwur medheni neng dapur wes salin wujud asline,  koyo seng tak bedhek sakdurunge.. jin banyu ujud iwak koyo kutuk.. nek jare simbah simbah mbiyen jenenge TRUNA.. malah ora ming siji,  jebul okeh penghunine.. hayo lagi pisan iki ono jin Truno tersesat neng njumbleng.. 😂😂..CIANDAAAK RA WEE...! gandeng aku dewe yo penasaran kenopo kok ngamuk ngamuk malah keporo wani karo menungso..!

" niyatku becik..! aku ngerti nek kowe ugo iso tata jalma ( ngomong basa menungsa) sak durungé tak pindah neng kali gede....! kenopo kowe iso tekan omah iki..?  opo kali wes ra ono pangan? opo saiki lagi model, jin manggon perumahan?,  nek pingin manggon neng perumahan koyo menungso.. hayo TUKU UU..!  ora waton manggon njuk nguasani..! 😡😡 njuk seng duwe omah mbok amuk..!  kae ki mbayar je bleeng..! " 

tenan pandugaku demit truno iso omong,  trus crita

jebul critane ki ngene....

mbiyen kawasan prumahan  iki ujudte rowo.. suwenengsuwe rowone ke gusur dadi komplek perumahan 😂.. penghuni penghuni astrale ono seng ra gelem pindah.. termasuk si Truno kutuk iki.. 😂

" yo nek ming perkoro melu manggon ki menungso ra masalah..!  ning kowe ki ngganggu!  malah keporo nyilakani karepmu piye nek ngono kui.. ! hayo.. opo sebape..? " takonku

" MERGO DÈWÈKÉ WIS MATÈNI ANAK ANAKU ..! " omonge Truno.. 

" HORA .. MUNGKIN ..! 😡😡 DEKNEN ORA ISO WERUH UJUD MU kok iso mateni anak anakmu ki piye nalare..! kowe ojo waton ngucap..! " omongku 

jim Truno kutuk tros crito.. 

nek anake mati mergo digebyur jarang panas.. 

dadi bojone wahyu kui tau ora sengojo mbuang banyu panas neng wastafel asahan kae lho lur.. misal nggawe mie instan sok terkadang ming di saring mie ne lha banyu panase waton di suntak (dibuang) ora dicampur banyu adem ndisik.. lha anake anake cebleng mau lagi do mangan gandane buangan banyu,  ora sengojo kesuntakkan jarang panas..!  modyar..!  seng tuwo hora trimo ngamuk...! nyerang seng duwe omah.. mulo yo lur ojo dibiasake mbuang banyu panas neng buangan banyu..(asah asahan) ngawekani kedadian ngene iki DEMIT E NGAMUK... 

" LOH ...! KUI  LAK ORA DI  JARAK ..!  hayo salahmu dewe mapan neng buangan banyu..!  papanmu yo neng kali, rowo opo segoro sisan..! ". omongku... 

demite ming meneng wae.. 

"  wes..!  saiki kepekso kowé tak pindah.. dudu neng kéné papanmu..!  awas angger bali réné meneh..! " omongku karo nutup kantong karumbo,  bolongan 3 nganggo lempung.

MISION COM PELI TED😂😂😂

 " wes aman saiki,  omahmu yuu..! wes kluargamu jaken bali rene meneh,  Demite wes tak gowo kabeh ki..! " omongku 

"  kowe yakin kuung!? " omonge Wahyu mastekké.  

"  pokok e tak garansi! " si P melu omong..! 

" njuk arep di pindah ngendi demite kung..? " takone Wahyu 

"  neng omahé mbah  peeeeeeee ! " omongku..

 😂si p langsung mencak mencak 😂😂.  

Truna Kutuk

 bareng wes rampung aku njaluk pamit.. 

Wahyu ketok puas omahe bakal aman tanpo ono gangguan mahluk astral meneh.. ketoro nyedakki aku terus nglebokke amplop kandel neng sak jaketku.. 

"  opo iki.?? mbok rasah repot repot lho iki.. 😄..wegah lho..!  nek njuk ngono..! aku ro si P ki jané iklas tetulung ki.. wong yo karo konco dewe...! ndak dikiro bisnis..! "

"  ora popo iki kung,  iki sekedar tanda trimakasih..! " omonge wahyu mekso nglebokke neng sak jaket

" Anyaaak..!  mbok ojo ngono...! ra penak aku! "

" alaaaah.. mbok rasah kemayu kuuung..! 😡😡gari di tampani we kakean ekting..! " omonge si P 

ning gandeng mbok pekso yo piye meneh.. 😁😁

bali mbonceng si P jiaan isis 😁😁.. tak bukak amplope isi 20 lembar atusan abang.. 😂😂.., 

" liwat kali bedog mbuang demit.. tros golek bakmi jowo yo pee..!"  omongku.. 

" dinei duwet meneh po kuung? " takoné si P kepo😀😀

"  ngerti dewe to kowe mau..!  dipekso dilebokaké sak ku jané ra  penak aku.! "

"piro kung? " 

" lumayan pe 😂 rongatus ewu..!  aku satus kowe satus yo pee...! " 

" COCOOOK..! 😂😂" bengoké si p karo nguya ngguyu mergo arep entuk duwit.. 😂

" Seng mbayar bakmi kowé lhoo..peee ! "

HASIAAAAAAP..! 😂

========================TAMAT===============================

SC: Dokter Kung Top